Will Ye No Come Back Again?

Bonniey Charlie's noo awa
Safely oer the friendly main;
Mony a heart will break in twa,
Should he no come back again.

Will ye no come back again?
Will ye no come back again?
Better loed ye canna be;
Will ye no come back again?

Ye trusted in your Hielan men,
They trusted you dear Charlie!
They kent your hiding in the glen,
Death and exile braving.

English bribes were a in vain
Tho puir and puirer we mun be;
Siller canna buy the heart
That aye beats warm for thine an thee.

We watched thee in the gloamin hour;
We watched thee in the mornin grey;
Though thirty thousand pounds they gie,
Oh, there is nane that would betray!

Sweet's the laverock's note an lang,
Liltin wildly up the glen;
But aye to me he sings a sang,
"Will ye no come back again?"

Lyrics by Carolina, Lady Nairne.