O'er the Water tae Charlie

Come boat me o'er, come row me o'er,
Come boat me o'er tae Charlie;
I'll gie John Ross anither bawbee
Tae ferry me o'er tae Charlie.

We'll o'er the water, we'll o'er the sea,
We'll o'er the water to Charlie;
Come weel, come woe, we'll gather and go
And live or die wi Charlie.
I lo'e weel my Charlie's name,
Tho some there be abhor him:
But O, to see auld Nick gaun hame,
And Charlie's faes be ore him!

I swear and vow by moon and stars,
And sun that shines so early!
If I had twenty thousand lives,
I'd die as aft for Charlie.

Aince I had sons but now I hae nane,
I bred them toiling sairly;
And I wad bear them a again
And lose them a for Charlie.

Lyrics by Robert Burns.

This page is maintained by Noel S. McFerran (noel.mcferran@rogers.com) and was last updated October 25, 2003.
© Noel S. McFerran 1997-2003.